आयरल्यान्डलाई नेपालले दियो २६९ रनको लक्ष्य

१९ असार, काठमाडौं । आईसीसी विश्वकप छनोटअन्तर्गत सातौं स्थानको लागि जिम्बाब्बेमा जारी खेलमा नेपालले टेस्ट राष्ट्र आयरल्यान्डसामु २६९ रनको लक्ष्य दिएको छ । 

जिम्बावेको ताकाशिंका क्रिकेट स्पोर्ट्स क्लबमा आयरल्यान्डले मंगलबार टस जितेर फिल्डिङ रोजेपछि ब्याटिङ गरेको नेपालले निर्धारित ५० ओभरमा ९  विकेटको क्षतिमा २६८ रनको योगफल बनाएको हो । 

नेपालका विकेट किपर अर्जुन साउद ८४ बलमा ३ चौका र २ छक्कासहित ४८ रन जोडे । अर्जुन २६औं ओभरको अन्तिम बलमा स्पिनर ग्यारेथ डेलानीको अर्जुन एलबीडब्लू आउट भएका थिए । उनले कप्तान रोहित पौडेलसँग ५० रनको साझेदारी गरे । रोहितले ३५ बलमा २ चौका र १ छक्कासहित २९ रनको योगदान दिए । 

३८ बलमा ५ चौका र २ छक्का प्रहार गरेका कुशल मल्ल ४४ र भीम सार्की २० रन जोडे । ओपनर कुशल भुर्तेलले ८ रन मात्र जोडन सफल भए। ज्ञानेन्द्र मल्ल १३ बलमा १ चौकासहित ७ रनमा सीमित हुन पुगे  । 

दिपेन्द्र सिंह ऐरी शून्य रनमै प्याभिलियन फिर्ता भए । गुलशन झा र सन्दीप लामिछानेले ८० रनको साझेदारी गरेर आठौं विकेट धरापमा पारे । गुलशनले ४२ बलमा बलमा ४ चौका र २ छक्का हाने भने  किशोर महतो १ रनमा नटआउट भए ।