बुधबार सुनको भाउ बढ्यो, तोलाको कति ?

२० असार, काठमाडौं । नेपाली बजारमा बुधबार पनि सुनचाँदीको भाउ बढेको छ। मंगलबार प्रति तोला ४०० रूपैयाँ बढेको सुनको मूल्य बुधबार प्रति तोला २०० रूपैयाँ बढेको हो।

नेपाल सुनचाँदी व्यवसायी महासंघका अनुसार बुधबार छापावाल सुन प्रति तोला १ लाख १० हजार ६०० रूपैयाँ र तेजाबी सुन प्रति तोला १ लाख १० हजार ५० रूपैयाँमा कारोबार भइरहेको छ।

मंगलबार छापावाल सुन प्रति तोला एक लाख १० हजार ४०० रूपैयाँ र तेजाबी सुन प्रति तोला १ लाख ९ हजार ८५० रूपैयाँमा कारोबार भएको थियो।

त्यसैगरी, बुधबार चाँदीको मूल्य पनि बढेको छ। बुधबार चाँदी प्रति तोला १३ सय ८० रूपैयाँमा कारोबार भइरहेको छ। मंगलबार चाँदी प्रति तोला १३ सय ७५ रूपैयाँमा कारोबार भएको थियो ।  मंगलबारको तुलनामा बुधबार चाँदी प्रति तोला ५ रूपैयाँ बढेको हो।