सिटिजन्स बैंकको ११ लाख कित्ता शेयर बिक्रीमा

२० असार, काठमाडौं । सिटिजन्स बैंक इन्टरनेसनलको ११ लाख कित्ता शेयर बिक्रीमा राखिएको छ। बैंकले संस्थापक शेयरधनी तारा विष्टको नाममा रहेको उक्त शेयर बिक्रीमा राखेको हो। 

यो शेयरको न्यूनतम मूल्य प्रति कित्ता १३५ रूपैयाँ तोकिएको छ। यसको अर्थ लगानीकर्ताले न्यूनतम् मूल्य वा सोभन्दा बढी मूल्य तोकी खरिद आवेदन दिनुपर्नेछ। 

यसअघि ३५ दिने सूचना जारी गर्दै बैंकले उक्त शेयर संस्थापक समूहका लागि बिक्री खुला गरेको थियो। तर, संस्थापक शेयरधनीहरुबाट कुनै खरिद आवेदन नपरेपछि बैंकले अन्य व्यक्ति तथा संस्थाका शेयर बिक्री खुला गरेको छ। 

इच्छुक लगानीकर्ताले ३५ दिनभित्र काठमाडौंको नारायणहिटी पथमा रहेको बैंकको केन्द्रीय कार्यालयमा खरिद आवेदन दिन सक्नेछन्।