प्रधानमन्त्रीको अभिव्यक्तिकाे विराेध बढ्दाे क्रममा, एमालेको संसदीय दलको बैठक बस्दै

२० असार, काठमाडौं । प्रधानमन्त्रीले मंगलबार एक सार्वजनिक कार्यक्रममा दिएका अभिव्यक्तिलाई लिएर प्रमुख प्रतिपक्षी एमालेले संसदीय दलको बैठक बोलाएको छ । 

सचेत महेश बर्तौलाले दलका नेता केपी शर्मा ओलीले आज दिउँसो साढे १ बजे संसद भवन नयाँ बानेश्वरमा बैठक बोलाएको बताए । प्रतिनिधिसभाको बैठक आज दिउँसो ३ बजे बस्दैछ । 

सोमबार कामठाडौंमा आयोजित एक पुस्तक विमोचन कार्यक्रममा प्रधानमन्त्री प्रचण्डले आफूलाई प्रधानमन्त्री बनाउन सरदार प्रितम सिंह पटक(पटक भारत गएको अभिव्यक्ति दिएका थिए । उक्त अभिव्यक्तिका कारण उनको चौतर्फी आलोचना भइरहेको छ । सत्तारुढ मुख्य घटक कांग्रेसभित्र पनि उनको अभिव्यक्तिको विरोध सुरु भएको छ । 

अभिव्यक्तिले मुलुकको सावैभौमिकतामाथि गम्भीर हस्तक्षेप पुगेको र राष्ट्रिय स्वाधीनताका दृष्टिले अक्षम्य रहेको एमालेको तर्क छ । बैठकले अभिव्यक्तिबारे धारणा तय गर्ने र सोही अनुसार आजको संसद (प्रतिनिधिसभा) बैठकमा प्रस्तुत हुने एमालेको भनाइ । 

अभिव्यक्तिबारे प्रधानमन्त्रीसँग स्पष्टिकरण माग्ने र चित्तबुझ्दो जवाफ नआए बैठक अवरुद्ध गर्ने तहसम्म जाने एमालेको रणनीति रहेको बझिएको छ ।