जितेन्द्र बस्नेत बने काठमाडौंका सीडीओ

२० असार, काठमाडौं । गृहमन्त्री नारायणकाजी श्रेष्ठले काठमाडौंको प्रमुख जिल्ला अधिकारी (सीडीओ) मा जितेन्द्र बस्नेतलाई पठाएका छन् । बस्नेत गृहको शान्ति, सुरक्षा महाशाखा प्रमुख थिए । साथै गृह प्रवक्ताकाे जिम्मेवारी समेत सम्हाल्दै आएका थिए ।

मंगलबारको मन्त्रिपरिषद बैठकले काठमाडौंका सीडीओ घनश्याम उपाध्यायलाई सचिवमा बढुवा गरेपछि रिक्त स्थानमा बस्नेतलाई पठाइएको हो । सीडीओ सहसचिव रहने व्यवस्था छ ।