संयुक्त राष्ट्रसंघका पूर्वमहासचिव मुनले लगाए ढाका टोपी

२० असार, काठमाडौं । संयुक्त राष्ट्र संघ (यूएन)का पूर्व महासचिव बान कि मुनले नृपाली ढाका टोपी लगाएका छन् । अन्तर्राष्ट्रिय सम्मेलनमा दक्षिण कोरिया पुगेका संघीय मामिला तथा सामान्य प्रशासनमन्त्री अमनलाल मोदीले मुनलाई ढाका टोपी लगाइदिएका हुन् ।

मन्त्री मोदीले मुनलाई आँखी झ्याल समेत उपहार दिएका छन् । नेपाली सशस्त्र द्वन्द्व शान्ति प्रक्रिया प्रवेशका बेला मुन यूएनका महासचिव थिए ।  

दक्षिण कोरियाको बुसान सहरमा जारी विश्वका विभिन्न देशका मन्त्रीहरु सहभागी भइरहेको मन्त्रीस्तरीय सम्मेलन सम्पन्न भएको छ । नेपालको तर्फबाट प्रतिनिधित्व गर्दै मन्त्री मोदी त्यहाँ पुगेका हुन् । 

सो क्रममा मोदीले मुनका बेला नेपालको शान्ति प्रक्रियामा संयुक्त राष्ट्र संघमार्फत् प्राप्त साथ र सहयोगको प्रशंसा गरे । साथै नेपाल सरकारको तर्फबाट कृतज्ञता प्रकट गर्न गरे । आगामी दिनमा पनि साथ र सहयोगको अपेक्षा राखेको बताए ।