राजसंस्थाबारे लिइएका नीतिमा पुनर्विचार गर्ने पक्षमा कमल थापा

२० असार, काठमाडौं । राष्ट्रिय प्रजातन्त्र पार्टी नेपालका अध्यक्ष कमल थापाले पार्टीले राजसंस्थाको विषयमा लिएको नीतिमा पुनर्विचार गर्ने बताएका छन् ।

बुधबार पार्टी आवद्ध जनवर्गीय संगठनको संयुक्त भेलालाई सम्बोधन गर्दै राजसंस्थाको औचित्य र आवश्यकताबारे पार्टीले पुनर्विचार गर्ने बताएका हुन् । उनले मुलुकको भूराजनीतिक अवस्थामा निकै फेरबदल आएको बताउँदै पार्टीलाई विकसित परस्थितिसँग जुधेर अगाडि बढ्न सक्ने गरी नीति र विचारमा पुनर्विचारको खाँचो भएको बताए । 

उनले २०८४ मा भने आमनिर्वाचनमा नयाँ शक्तिले ठाउँ लिने उनको भनाइ थियो । नयाँ शक्तिको रुपमा राप्रपा नेपाललाई लैजान पार्टी पंक्ति र जनवर्गीय संगठनहरुलाई संगठन केन्द्रित हुन निर्देशन दिए ।