कोटहीमाई गाउँपालिकाका इन्जिनियर अर्विन्दकुमार घुस रकमसहित पक्राउ

२० असार, काठमाडौं । अख्तियार दुरुपयोग अनुसन्धान आयोगको टोलीले रुपन्देही जिल्लाको कोटहीमाई गाउँपालिकाका इन्जिनियर अर्विन्दकुमार यादव घुस रकमसहित पक्राउ गरेको छ ।

विशेष सूचनाका आधारमा आयोगबाट खटिएको टोलीले इन्जिनियर यादवलाई बुधबार ४५ हजार रुपैयाँ घुस रकमसहित पक्राउ गरेको हो । 

गाउँपालिका-७ अन्तर्गतको सडक पीसीसी र ग्रावेल गर्ने कार्यको नापजाँचपश्चात भुक्तानी दिने प्रयोजनार्थ सेवाग्राहीसँग यादवले नगद घुस अख्तियारको बुटवल कार्यालयले जनाएको छ ।