नेपाली कांग्रेसका जिल्ला सभापतिहरुको बैठक आज, सदस्यता वितरण र अभिलेखीकरणबारे छलफल
नेपालबहस संवाददाता
असार २१, २०८० बिहिबार ८:३:५७
२१ असार, काठमाडौं । नेपाली कांग्रेसले आज जिल्ला सभापतिहरूको बैठक बोलाएको छ । केन्द्रीय कार्यालय सानेपामा जिल्ला सभापतिहरूको बैठक बस्न लागेको हो । क्रियाशील सदस्यता र सदस्यताको वितरण, नवीकरण र अभिलेखिकरण, पार्टीका विभिन्न तहका सम्मेलन, पार्टी संचालन तथा व्यवस्थापनलगायत अन्य विविध सांगठनिक विषय बैठकको एजेन्डा रहेका छन् ।
मंसिर ४ मा सम्पन्न निर्वाचनपछि पार्टी गतिविधिलाई निष्क्रिय राख्दै आएको कांग्रेसले तल्लो तहबाटै संगठन विस्तार सम्बन्धी कार्यक्रमहरू सुरु गर्ने तयारी अनुरूप सभापतिहरूको बैठक बोलाएको हो । पहिलो चरणमा क्रियाशील सदस्यता नवीकरण र नयाँ सदस्यता वितरण कार्यलाई व्यवस्थित रुपमा अगाडि बढाउने विषयमा छलफल हुनेछ ।
क्रियाशील सदस्य नवीकरणसहित नयाँ सदस्य थप गर्ने विषयलाई कसरी प्रभावकारी ढंगले अगाडि बढाउन सकिन्छ भन्ने रणनीति तय गर्न कांग्रेसले ७७ वटै जिल्लाका सभापतिहरूलाई काठमाडौं बोलाएको छ । केही जिल्लाका सभापति काठमाडौं आइसकेको र केही आउने क्रममा रहेको पार्टीको प्रचार विभाग प्रमुख मीन विश्वकर्माले नेपालबहसलाई जानकारी दिए ।
उनका अनुसार बिहीबार मध्यान्ह १२ बजेदेखि पार्टी केन्द्रीय कार्यालय सानेपामा भेला हुने सभापतिहरूलाई जिल्ला तह र त्यसभन्दा मुनिका निकायमा कसरी संगठन विस्तारका कार्यक्रमहरू बनाउने, विभाजन गर्ने र सञ्चालन गर्ने भन्ने विषयमा अभिमुखीकरण गरिनेछ । क्रियाशीलको नवीकरण र नयाँ सदस्यता थप गर्ने विषयलाई प्रभावकारी बनाउन कांग्रेस नयाँ रणनीति र स्पष्ट योजनासहित जाने तयारीमा छ ।
यसको अलवा जिल्ला सभापतिहरूसँग जिल्लामा भइरहेका पछिल्ला गतिविधिहरूबारे पनि जानकारी लिइने छ । प्रचार विभाग प्रमुख विश्वकर्माले पार्टीको केन्द्रीय समितिको बैठकमा उठाइने एजेण्डाहरुका लागि पनि जिल्ला सभापतिहरूको छलफल र परामर्शबाट धेरै कुराहरू आउने बताए । उनले कांग्रेस सबै किसिमका समस्याहरूसँग जुध्न सक्ने गरि तल्लो तहबाटै संगठनका गतिविधिहरू परिचालन गर्ने तयारीमा रहेको बताए ।
असार २७ मा केन्द्रीय समितिको बैठक बोलाउने विषयमा बुधबार बिहान पार्टी सभापति शेरबहादुर देउवासहितका नेताहरूले छलफल गरेका थिए । केन्द्रीय समिति बैठक बोलाउने लगायतका विषयमा सभापति देउवा, उपसभापति धनराज गुरुङ, महामन्त्रीद्वय गगन थापा र विश्वप्रकाश शर्मासहितका नेताहरूको बैठक बसेको थियो । यही छलफलबाट असार २७ गते केन्द्रीय समिति बैठक बोलाउने निर्णय भएको हो ।
कांगेसको विधान अनुसार केन्द्रीय समिति बैठक हरेक दुई महिनामा बस्नुपर्ने व्यवस्था छ । तर गत वर्ष असार २७ देखि साउन २ सम्म बसेपछि बैठक बस्न सकेको छैन । बैठक बस्न नसक्दा सभापति शेरबहादुर देउवाको आलोचना हुँदै आएको थियो । बैठक बोलाउन माग गर्दै केन्द्रीय कार्यालयमा केही केन्द्रीय सदस्यहरूले निवेदन समेत दिएका थिए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपअब हुने सबै चुनावमा माओवादी केन्द्र एक्लै प्रतिष्पर्धामा जान्छ : प्रचण्ड
असोज १९, २०८१ शनिबार
विपद् संकटग्रस्त क्षेत्र घोषणा गर्दा विभेद गरिएको प्रभु साहको आरोप
असोज १९, २०८१ शनिबार
ढोरवाराही मन्दिरको प्रवर्द्धनमा सरकारले सहयोग गर्छ: पर्यटमन्त्री पाण्डे
असोज १८, २०८१ शुक्रबार
प्रहरीमा चार हजार दरबन्दी रिक्त, कासमु देखाएर वृत्ति विकासमा बन्ध्याकरण !
नेपालबहस संवाददाता
असोज १८, २०८१ शुक्रबार
टि–ट्वान्टी सिरिजमा नेपालले ओमानलाई हरायो
नेपालबहस संवाददाता
असोज १७, २०८१ बिहिबार
अख्तियारले दोहोर्याएर किन छापा हान्यो ‘क्यान’मा ?
नेपालबहस संवाददाता
असोज १६, २०८१ बुधबार
यी हुन् सरकारले विपद् सङ्कटग्रस्त क्षेत्र घोषणा गरेका ४१ स्थानीय तह
असोज १९, २०८१ शनिबार
इजरायलले इरानको तेल केन्द्रमा निशाना बनाए कस्तो असर पर्छ ?
असोज १९, २०८१ शनिबार
स्थानीय सरकार प्रमुख भन्छन् :- सडक, खानेपानी, विद्युतलाई प्राथमिकतामा राखेका छौँ
असोज १९, २०८१ शनिबार
उर्जामा त्रिपक्षीय सम्झौताः बंगालको खाडीसम्म संभावनाको बाढी
असोज १९, २०८१ शनिबार
मन्त्रालयले भन्यो :- विपद्पश्चात् सङ्क्रमणजन्य रोग फैलिएको सूचना आएको छैन
असोज १९, २०८१ शनिबार
बोलेरो जीप दुर्घटना हुँदा दुई जनाको घटनास्थलमै मृत्यु
असोज १९, २०८१ शनिबार
अब हुने सबै चुनावमा माओवादी केन्द्र एक्लै प्रतिष्पर्धामा जान्छ : प्रचण्ड
असोज १९, २०८१ शनिबार
क्याबिन क्रुको आन्दोलन फिर्ता, आजैबाट काममा फर्कने
असोज १९, २०८१ शनिबार