बालुवाटारमा सत्ता गठबन्धनमा आबद्ध सात दलका नेताको बैठक

२१ असार, काठमाडौं । समसामयिक विषयमा छलफल गर्न सत्ता गठबन्धनमा आबद्ध दलहरूको बैठक बसिरहेको छ । सात दलका नेताको बैठक जारी रहेको प्रधानमन्त्रीको सचिवालयले जनाएको छ ।

प्रधानमन्त्रीको सरकारी निवास बालुवाटारमा बैठक बसेको हो । बैठकमा प्रधानमन्त्री प्रचण्डसहित नेकपा (माओवादी केन्द्र), नेपाली कांग्रेस, नेकपा (एकीकृत समाजवादी), जनता समाजवादी पार्टी (जसपा), लोकतान्त्रिक समाजवादी पार्टी (लोसपा), जनमत पार्टी र नागरिक उन्मुक्ति पार्टीका शीर्ष नेता सहभागी छन् ।