नाबालिग बलात्कारको आरोपमा ५० वर्षीय काेइराला पक्राउ, २ जनाकाे खाेजी जारी

२१ असार, काठमाडौं । एक नाबालिगलाई बलात्कार गरेको आरोपमा ललितपुर प्रहरीले काठमाडाैंकाे ठमेलमा रहेकाे लर्ड अफ ड्रिंक्स (एलओडी) क्लबका रुदिल बल्लव श्रेष्ठ र राजु सिंह सुवालविरूद्ध पक्राउ पुर्जी जारी भएको छ ।

पीडितबाट बलात्कारसम्बन्धी कसुरमा परेको जोहरीका आधारमा ललितपुर प्रहरीले उनीहरुविरुद्ध जिल्ला अदालतबाट पक्राउ पुर्जी लिएको हो । एलओडी कम्पनी रजिस्ट्रार कार्यालयमा उनीहरूको नाममा दर्ता छ । 

बलात्कार घटनामा अर्का एक जना पक्राउ परिसकेका छन् । पोखराका ४८ वर्षीय सुदन कोइराला पक्राउ परेका हुन् । गएको जेठ ३१ गते बुधबार राति ललितपुरको बागडोलमा १६ वर्षीया नाबालिगको बलात्कार भएको घटनामा आरोपीहरुको संलग्नता देखिएको प्रहरीको भनाइ छ । 

एसईई दिएर बसेकी बालिका एलओडी क्लबमा भेटेर घुम्न जाने भनेर आफ्नो गाडीमा राखेर बागडोल पुर्याएर बलात्कार गरेको पीडितको जाहेरीमा उल्लेख रहेको प्रहरीले जनाएको छ । फेसबुकबाट चिनजान भएका बालिकालाई कोइरालाले क्लबमा बोलाएर पूर्व योजना अनुरूप घटना घटाइएको देखिएको छ । पक्राउ परेका कोइरालाले भने पीडित युवती उमेर पुगेको बयान दिएको बताइएको छ ।

नाबालिग अपहरण, बन्धक र बलात्कार कसुरमा अनुसन्धान भइरहेको प्रहरीले जनाएको छ ।