साताको पहिलो कारोबार दिन सुनको मूल्य बढ्यो

२४ असार, काठमाडौं । साताको पहिलो कारोबार दिन आइतबार सुनको भाउ उकालो लागेको छ। आइतबार सुनको भाउ तोलामा ७०० रूपैयाँले बढेको छ। योसँगै प्रतितोला छापावाल सुन १ लाख ११ हजार ३०० रूपैयाँ र तेजाबी सुन  १ लाख १० हजार ७५० रूपैयाँ कायम भएको नेपाल सुनचाँदी व्यवसायी महासंघले जनाएको छ । 

गत शुक्रबार सुनको भाउ तोलामा १०० रूपैयाँले घटेको थियो। यो दिन प्रतितोला छापावाल सुन  १ लाख १० हजार ६०० रूपैयाँ र तेजाबी सुन १ लाख १० हजार ५० रूपैयाँमा कारोबार भएको थियो। 

आइतबार चाँदीको भाउ तोलामा २० रूपैयाँले बढेर १ हजार ३९५ रूपैयाँ कायम भएको छ। गत शुक्रबार तोलामा २० रूपैयाँले घटेर चाँदी १ हजार ३७५ रूपैयाँमा किनबेच भएको थियो।