अरुण काबेलीको हकप्रद शेयरमा आजसम्म आवेदन दिन पाउने

२४ असार, काठमाडौं । अरुण काबेली पावर लिमिटेडको सतप्रतिशत हकप्रद शेयरमा आइतबारसम्म कायम शेयरधनीले मात्र आवेदन दिन पाउनेछन् । यस कम्पनीले हकप्रद शेयरको लागि सोमबार बुक क्लोज गर्दै छ । तसर्थ, आज आइतबारसम्म कायम रहने शेयरधनीहरुले मात्र उक्त हकप्रद शेयरमा आवेदन दिन सक्नेछन् । 

कम्पनीले हाल कायम चुक्ता पुँजीमा १ः१ अनुपातमा १ करोड ८५ लाख ५२ हजार १०५ कित्ता हकप्रद शेयर बिक्री गर्न लागेको हो । कम्पनीले प्रतिकित्ता १०० रुपैयाँको दरमा हकप्रद बिक्री गर्नेछ । 

यसमा नबिल इन्भेष्टमेन्ट बैंकिङ बिक्री प्रबन्धक रहेको छ । हाल यस कम्पनीको चुक्ता पुँजी १ अर्ब  ८५ करोड ५२ लाख १० हजार ५ सय रुपैयाँ रहेको छ । हकप्रद जारी गरेपछि चुक्ता पुँजी ३ अर्ब ७१ करोड ४ लाख २१ हजार रुपैयाँ पुग्नेछ ।