एमालेका कारण राष्ट्रियसभाको बैठक आज पनि स्थगित

१४ असार, काठमाडौं । प्रमुख प्रतिपक्षी दल नेकपा (एमाले)को विरोधका कारण संघीय संसदकाे मािथल्लाे सदन राष्ट्रिसभाको आजको बैठक पनि स्थगित भएको छ । अर्को बैठक असार २५ गते सोमबार बिहान ११ बजेर १ मिनेट जाँदा बस्ने गरी सभाका अध्यक्ष गणेशप्रसाद चिमिल्सिनाले बैठक स्थगित भएको घोषणा गरेका छन् ।

प्रधानमन्त्री प्रचण्डले असार १८ गते काठमाडौंमा भारतीय मूलका नागरिक प्रितम सिंहको जीवनीमा आधारित प्रकाशित पुस्तकको विमोचन कार्यक्रममा दिएको ‘भारत परस्त’ अभिव्यक्तिलाई लिएर एमालेले लगातार चौथो पटक बैठक स्थगित गरेको हो । बैठक सुरु हुनेवित्तिकै एमालेकी सांसद ले प्रधानमन्त्रीले राष्ट्रियताविरोध अभिव्यक्ति दिएको भन्दै पदबाट राजीनामा नदिएसम्म बैठक चल्न नदिने सभामुख तिमिल्सिनाको ध्यानाकर्षण गराएकी थिइन्  ।

जानकारीलगत्तै एमालेका सांसदहरु उठेर विरोध बैठक अवरुद्ध पारेका थिए । अध्यक्ष तिमिल्सिनाले मन्त्रालयगत बजेट विनियोजन शीर्षकमाथि छलफल सक्नुपर्ने समयको चाप रहेकाले वार्ता संवादबाट प्रधानमन्त्रीको अभिव्यक्तिबारे निकास निकाल्दै जाने र बैठक चल्न दिन पटकपटक आग्रह गरेपनि अवरोध नहटेपछि अर्को बैठक भोलि सोमबारसम्मका लागि बैठक स्थगित गरिएको जानकारी सदनमा अध्यक्ष तिमिल्सिनाले दिए ।

एमालेले बैठक अवरुद्ध गरेको यो लगातार चौथो पटक हो । एमालेले सोही विषयलाई लिए प्रतिनिधिसभाको बैठक लगातार तेस्रो दिनसम्म अवरुद्ध पारेको थियो । आजको बैठक पनि चल्न नदिने उसले तयारी गरेको छ ।