अन्ततः प्राधिकरणका महानिर्देशक अधिकारीले पर्यटन मन्त्रालयलाई बुझाए स्पष्टीकरण

२४ असार, काठमाडौं । नेपाल नागरिक उड्डयन प्राधिकरण क्यानका महानिर्देशक प्रदीप अधिकारीले अन्ततः संस्कृति, पर्यटन तथा नागरिक उड्डयन मन्त्रालयलाई स्पष्टीकरण बुझाएका छन् ।

संस्कृति, पर्यटन तथा नागरिक उडड्यनमन्त्री सुदन किराँतीले असार १२ गते सात दिनको स्पष्टीकरण सोधेका थिए । तर, मन्त्री किराँतीले गोप्य कुरा सामाजिक सञ्जालमा सार्वजनिक गरेको भन्दै स्पष्टीकरण दिएका थिएनन् ।
 
स्पष्टीकरण दिन अटेरी गरेपछि मन्त्री किरातीले बिहीबार पुनः तीन दिने स्पष्टीकरण सोधेका थिए । स्पष्टीकरण नदिनुको कारण स्पष्ट रुपमा उल्लेख गरेर तीन दिनभित्र जवाफ दिन आग्रह गरिएको थियो ।

महानिर्देशक अधिकारीले अन्तिम दिन स्पष्टीकरण बुझाएका हुन् । मन्त्री किराँतीका प्रेस सल्लाहकार राजन राईले स्पष्टीकरण बुझाएको बताए ।