सञ्चारसचिव राउतको बन्दी प्रत्यक्षीकरण रिटको सुनुवाइ न्यायाधीश श्रेष्ठको इजलासमा

२८ असार, काठमाडौं । बालुवाटस्थित ललिता निवासको सरकारी जग्गा प्रकरणको अनुसन्धनका क्रममा प्रहरीको केन्द्रीय अनुसन्धान ब्यूरो (सीआईबी)को हिरासतमा रहेका सञ्चार तथा सूचना मन्त्रालयका सचिव कृष्णबहादुर राउतका तर्फबाट सर्वोच्च अदालतमा दायर भएको बन्दी प्रत्यक्षीकरण सम्बन्धि रिटको सुनुवाइका लागि न्यायाधीश तिलप्रसाद श्रेष्ठको एकल इजलासमा परेको छ ।

सीआईबीले किर्तेसहित संगठित अपराधको आरोपमा सचिव कार्कीलाई गत आइतबार पक्राउ गरेको थियो । सचिव राउतको हकमा उषा कार्कीले गृह मन्त्रालयसहितलाई विपक्षी बनाएर बन्दी प्रत्यक्षीकरणको रिट निवेदन दर्ता गराएकी हुन् । रिट निवेदक कार्कीले राउतलाई गैरकानुनी रूपमा थुनामा राखिएको दाबी गरेकी छन् ।

यस प्रकरणमा बहालवाला सचिवदेखि पूर्व निर्वाचन आयुक्तसम्म गरी एक दर्जन भन्दाबढि प्रहरीको हिरासतमा पुगेका छन् । सीआईबीले प्रक्रियागत अगाडी बढिरहेका बेला भइरहेको अनुसन्धानलाई लिएर विभिन्न टिक्का टिप्पणी पनि भइरहेका छन । ठूलालाई उन्मुक्ति दिएर सानालाइमा धरपकड गरेको भन्दै विरोध भइरहेको छ ।