प्रधानमन्त्रीका औपचारिक कार्यक्रम तीन दिनसम्म स्थगित

२८ असार, काठमाडौं । प्रधानमन्त्री पुष्पकमल दाहाल प्रचण्डका यसअघि तय भएको सबै औपचारिक कार्यक्रम तीन दिन स्थगित गरिएको छ । पन्ती शोकमा रहेका कारण प्रधानमन्त्रीका औपचारिक कार्यक्रम स्थगित भएका हुन् । 

बुधबार पत्नी सीताको निधन भएपछि शोकमा परेका प्रधानमन्त्री प्रचण्डले ३० असारसम्म कुनैपनि औपचारिक गतिविधिमा सहभागी हुने छैनन् । तीन दिनलाई सबै औपचारिक कार्यक्रम स्थगित गरिएको प्रधानमन्त्रीका प्रेस सल्लाहकार गोविन्द आचार्यले जानकार दिए । 

उनका अनुसार, समवेदना साट्न आउनेहरुसँग यो अवधिमा बिहान ८ देखि ११ र साँझ ४ देखि ६ बजेसम्म भेट हुनेछ ।