चालु आर्थिक वर्षको अन्तिम शनिबार भएकाले सबै बैंक तथा वित्तीय संस्था खुल्ला रहने

३० असार, काठमाडौं । आज पनि बैंक तथा वित्तीय संस्थाहरू पनि खुल्ला हुने भएका छन् । चालू आर्थिक वर्षको अन्तिम शनिबार भएकाले राजश्वलगायतको विषयलाई ध्यानमा दिँदै शनिवार पनि बैंक तथा वित्तीय संस्था खुल्ला नै रहन लागेका हुन् ।  

सो कार्यका लागि नेपाल राष्ट्र बैंकले यसअघि नै परिपत्र जारी गरेर बिदाका दिन पनि बैंक तथा वित्तीय संस्था खुल्ला गरेर कारोबार गर्न निर्देशन दिएको थियो । अर्थ मन्त्रालय र महालेखा नियन्त्रक कार्यालयले असार २३ र ३० गते शनिवारका दिन पनि सेवा बन्द नगर्न राष्ट्र बैंकलाई अनुरोध गरे पछि गत शनिवार र आज शनिवार बैंक तथा वित्तीय संस्थाहरू खुल्ला भएका हुन । 

जसअनुसार चालु आर्थिक वर्षको अन्तिममा राजस्व भुक्तानी, चेक क्लियरिङ तथा विद्युतीय रकम ट्रान्सफरका लागि बढी चाप पर्ने भएकाले शनिबार पनि सेवा उपलब्ध गराउन राष्ट्र बैंकले निर्देशन दिएको थियो ।