माइतीघरमा सहकारी पीडित र प्रहरीबीच झडप

३१ असार, काठमाडौं । सहकारी पीडितहरुले गरेको आन्दोलनका क्रममा प्रहरीले धरपकड गरेको छ । सडकमा अवरोध पुर्‍याएको भन्दै प्रहरीले केही पीडितहरुलाई नियन्त्रणमा लिएको छ । आइतबार बिहान माइतीघर क्षेत्रमा ¥याली निकाल्ने क्रममा सडकमा अवरोध पुगेपछि त्यहाँको सडकमा केहीबेर यातायात अवरुद्ध भएको थियो ।

सहकारी पीडित बचतकर्ता महासंघ संघर्ष समितिले सडकमा प्रदर्शन गरेको हो । समितिले बचतकर्ताको रकम फिर्ता गर्न नसक्ने सहकारी, फरार रहेका सञ्चालकलाई कारबाही गर्नुपर्ने माग उठाएको छ । बचतकर्ताका समस्या छिटो भन्दा छिटो समाधान गर्नुपर्ने, सञ्चालकलाई राजनीतिक संरक्षण बन्द गर्नुपर्ने भन्दै विभिन्न नारासहितका प्लेकार्ड र ब्यानर बोकेर पीडितहरु प्रदर्शनमा उत्रिएपछि सडक पनि अवरुद्ध हुन पुगेको थियो । 

माइतीघरबाट सुरु भएको ¥याली बानेश्वरमा पुगेर कोणसभामा परिणत भएको थियो । सहकारी क्षेत्रको समस्याका कारण देशभरका सहकारी पीडितहरु लामो समयदेखि आन्दोलरत छन् । सहकारपीडितले लामो समयदेखि आन्दोलन गर्दै आएा छन् ।