सिनामंगलमा शंकास्पद वस्तु राख्ने व्यक्ति पक्राउ, शंकास्पद वस्तु बम नभएको पुष्टि

३ साउन, काठमाडौं । काठमाडौं सिनामंगलस्थित खोटाङ हलेसी ज्वेलर्समा राखिएको शंकास्पद बस्तु बम नभएको पुष्टि भएको छ । सुन पसलको सटर अगाडि राखिएको बस्तु नेपाली सेनाको बम डिस्पोजल टोलीले डिस्पोज गर्ने क्रममा बम नभएको पुष्टि भएको । 

सुन पसलमा शंकास्पल बस्तु राखेर त्रास फैलाएको आरोपमा प्रहरीले रौतहटका खजाञ्ची पासवानलाई पक्राउ गरेको छ । उनलाई सुन पसल नजिकैको होटलमा लुकेर बसेको अवस्था प्रहरीले पक्राउ गरेको हो ।

पक्राउ परेका पासवानलाई  गौशाला प्रहरीमा राखिएको छ ।  आफूसँग पटक पटक फोन नगरेर पाँच लाख रुपैयाँ नदिए बम राख्न धम्की आएको सुन पसल सञ्चालक मने विश्वकर्माले बताएका छन् । 

सुन पसलमा संयोजक सफलको नाममा पर्चा टाँसिएको थियो । जसमा लेखिएको छ, ‘खोटाङ हलेसी ज्वेलर्सको साहुजी हाम्रो पार्टी नेपाल उत्थान क्रान्तिकारी पार्टीलाई सपोर्ट गर्नुहोस् । तपाईँको सहयोगले हाम्रो देश र जनताहरूलाई ठूलो प्रगति हुनेछ भन्ने हाम्रो आश हो । यहाँ आरडीएक्स बारुदको बम राखिएको छ । सावधान रहनुहोला ।’

पर्चामा आफूलाई सहयोग गरिदिन खोटाङ हेलसी ज्वेलर्सका साहुलाई अनुरोध गरिएको छ। 

खोटाङ हलेसी ज्वेलर्सको साहुजी हाम्रो पार्टी नेपाल उत्थान क्रान्तिकारी पार्टीलाई सर्पोट गर्नुहोस्। तपाईको सहयोगले हाम्रो देश र जनताहरुको प्रगति हुनेछ भन्ने हाम्रो आस हो। यहाँ आरडीएक्स बारुदको बम राखिएको छ सावधान रहनु होला, संयोजक सफल उल्लेख रहेको उक्त पर्चामा लेखिएको छ।

अहिले शंकास्पद वस्तुलाई नेपाली सेनाको बम डिस्पोजल टोलीले निष्क्रिय पारिरहेको छ।  घटनास्थल आसपासका क्षेत्रमा सुरक्षा सतर्कता बढाइएको थियो।