ब्राउन सुगरसहित बाँके र बर्दियामा चार जना पक्राउ

दीपक शर्मा 

३ साउन, बर्दिया । लागुऔषध ब्राउन सुगर सहित बर्दिया र बाँकेमा ४  जना पक्राउ परेका छन् । बर्दियाको मधुवन नगरपालिका ९ गाउँ नम्बर १२ बाट लागुऔषध ब्राउन सुगरसहित २ जनालाई  पक्राउ गरिएको जिल्ला प्रहरी कार्यालय बर्दियाले जनाएको छ । 

शंकास्पद रुपमा हिडिरहेका सोहि स्थानका २२ वर्षिय समिर गुरुङ सोहि नगरपालिका ८ गाँउ नम्बर ६ का २९ वर्षिय जिवन खत्री रहेका छन । जिल्ला प्रहरी कार्यालय बर्दियाका सूचना अधिकारी हिक्मतबहादुर बोहोराका अनुसार उनिहरुको साथबाट ४० मिलिग्राम लागु औषध फेला परेको बताए । पक्राउ परेका सवैको जिल्ला अदालतबाट म्याद थप गरी लागुऔषध मुद्धामा अनुसन्धान भइरहेको बताइएको छ ।

 यसै गरी बाँकेको नेपालगञ्ज उपमहानगरपालिका १५ जमुनाह नाकाबाट अवैध रुपमा लागूऔषध ब्राउन सुगर २ ग्राम ६ सय मिलिग्राम सहित २ जनालाई प्रहरीले पक्राउ गरेको हो । पक्राउ पर्नेमा सुर्खेत विरेन्द्रनगर नगरपालिका ७ का ४१ वर्षिय प्रमोद वस्नेत र सोहि नगरपालिका ८ का २४ वर्षिय प्रतिक शाही रहेका छन ।