महोत्तरीमा पहिलोपटक नर्सिङ सेवा

♦ विशाल बस्नेत

३ साउन, महोत्तरी । महोत्तरीमा नै पहिलो पटक नर्सिङ कलेजको  सम्बन्धन प्राप्त भएको छ  । सिटिइभिटीबाट मान्यता प्राप्त उक्त कलेज संचालनको जिम्मेवारी  शुभ स्वस्तिक टेक्निकल इष्टिच्युटले  पाएको हो ।

जिल्लाको बर्दिबास नगरपालिकामा संचालित उक्त इन्स्टिच्युटले प्रमाणपत्र तहको ३ वर्षे नर्सिङ अध्यापन गराउने उक्त कलेजका संचालक दिपक कार्कीले जानकारी दिए ।

जिल्लाका झन्डै २ हजार भन्दा बढी किशोरीहरू नर्सिङ अध्ययनको लागी बाहिर गइरहेको बेला यो कलेजले केही हदसम्म भए पनि राहत प्रदान गरेको स्थानीयहरुको बुझाइ छ ।

प्रारम्भिक चरणमा कलेजले ४० जनाको  सिट मात्र निर्धारण गरेको छ । यस मध्य ४ जनालाई छात्रवृत्तिको समेत व्यवस्था गरिएको छ ।

एक जनाले नर्सिङ पूरा गर्न सिटिइभिटीले निर्धारण गरेको रकम  ६ लाख २५ हजार तिर्नुपर्ने  कलेज व्यवस्थापनले जनाएको छ ।