कुमारी बैंकको ५३ हजार ८१९ कित्ता संस्थापक शेयर बिक्रीमा, भाउ बिक्रेताले तोके वमोजिम हुने

 ४ साउन, काठमाडौं । कुमारी बैंकले संस्थापक सेयरधनीको नाममा रहेको ५३ हजार ८१९ कित्ता शेयर बिक्रीमा ल्याएको छ । यसमा बैंकका विद्यमान अन्य संस्थापक सेयरधनीले आवेदन दिन सक्नेछन् ।

शेयर खरिद गर्न इच्छुक संस्थापक सेयरधनीले बिहीबारबाट ३५ दिनभित्र आवेदन दिनुपर्नेछ । बैंकको प्रधान कार्यालय, टंगाल वा कुमारी क्यापिटलको कार्यालय नक्साल नागपोखरी, काठमाडौंमा खरिद गर्न चाहेको सेयर संख्या खुलाई आवेदन दिनुपर्नेछ ।

शेयर भाउ भने बिक्रेताले तोके वमोजिम हुने सूचनामा उल्लेख छ । उक्त समयमा संस्थापक शेयरधनीले सेयर खरिद नगरे अन्य व्यक्ति वा संस्थालाई शेयर बिक्री गरिने बैंकले जनाएको छ ।