ललितनिवास जग्गा प्रकरणका चार आरोपीले दिएको बन्दी प्रत्यक्षीकरण रिटको आज फैसला

५ साउन, काठमाडौं । बालुवाटारस्थित ललितानिवास जग्गा हिनामिना प्रकरणमा पक्राउ परेका सञ्चार सचिव कृष्णबहादुर राउतसहित चार जनाको बन्दी प्रत्यक्षीकरण रिटको आज निर्णय आउने भएको छ । हिजो यस रिटमाथिको बहस सकिएको छ । 

उक्त रिट बिहीबार सर्वोच्च अदालतका न्यायाधीशद्वय प्रकाशकुमार ढुंगाना र नहकुल सुवेदीको इजलासमा ‘हेर्दाहेर्दै’मा परेको थियो । यही साउन १ गतेदेखि उक्त रिटमाथि लगातार चार दिनसम्म सुनुवाइ भए पनि हेर्दाहेर्दैमा परेको छ ।

ललितानिवास प्रकरणमा गैरन्यायिक थुनामा राखिएको भन्दै सचिव राउतसहित पूर्व निर्वाचन आयुक्त सुधीरकुमार शाह, भाटभटेनी सुपरमार्केटका सञ्चालक मीनबहादुर गुरुङ र धर्मप्रसाद गौतमले बन्दी प्रत्यक्षीकरणको रिट दर्ता गराएका थिए ।