हिमाल दोलखा हाइड्रोपावरको १५ लाखबढी कित्ता शेयर लिलामीमा आउने

५ साउन, काठमाडौं । हिमाल दोलखा हाइड्रोपावरको १५ लाख ७७ हजार कित्ता शेयर लिलामीमा आउने भएको छ ।

हिमाल दोलखा हाइड्रोपावर कम्पनीले बिक्री खुला गरेको ७५ प्रतिशत हकप्रद शेयर बुधबार बाँडफाँट भएको छ । यस कम्पनीले १ करोड २० लाख कित्ता हकप्रद सेयर बिक्री खुला गरेकोमा १ करोड ४ लाख २२ हजार ७८९ कित्ताका लागि मात्र आवेदन परेको छ ।  

यसआधारमा १५ लाख ७७ हजार २११ कित्ता हकप्रद बिक्री हुन नसकेको देखिन्छ । बिक्री नभएको बाँकी शेयर हिमाल दोलखाले अब लिलामीमा ल्याउनेछ । यस कम्पनीले जेठ २२ देखि असार २५ गतेसम्म १ करोड २० कित्ता हकप्रद शेयर बिक्री खुला गरेको थियो ।