सानिमा बैंकको २ लाख ५० हजार कित्ता संस्थापक शेयर बिक्रीमा

९ साउन, काठमाडौं । सानिमा बैंकले मंंगलबारदेखि २ लाख ५० हजार कित्ता संस्थापक शेयर बिक्री खुला गरेको छ । सानिमाका संस्थापक शेयरधनीले आफ्नो नाममा रहेको उक्त शेयर बिक्री गर्न निवेदन दिएपछि शेयर बिक्री खुला गरिएको बैंकले जानकारी गराएको छ । यसमा सानिमाकै अन्य संस्थापक शेयरधनीहरुले आवेदन दिन सक्नेछन् । 

यसमा ३५ दिनभित्र आवश्यक कागजात संलग्न गरी बैंकको केन्द्रीय कार्यालय, नारायणचौर नाक्साल, काठमाडौंमा सम्पर्क गरी शेयर खरिदका लागि आवेदन दिन सक्नेछन् । शेयरको न्यूनतम् भाउ प्रतिकित्ता १५० रुपैयाँ तोकिएको छ । तोकिएको समयमा संस्थापक शेयरधनीबाट आवेदन परेन भने अन्य व्यक्ति तथा संस्थालाई बिक्री खुला गरिने बैंकले सूचनामा उल्लेख गरेको छ ।