सामुदायिक वनको खाली जमिनमा घाँस राेपियाे
नेपालबहस संवाददाता
साउन ९, २०८० मंगलबार १५:२०:५८
९ साउन, जानकी । निकुञ्ज क्षेत्रमा घाँस काट्न जाँदा मानव र वन्यजन्तुबीच हुन सक्ने द्वन्द्वात्मक गतिविधिलाई रोक्नका लागि राप्ती सोनारी गाउँपालिका–१ मा पर्ने बसेरी मध्यवर्ती सामुदायिक वनको खाली जमिनमा स्थानीयले घाँस रोपेका छन् ।
बाँके राष्ट्रिय निकुञ्ज, मध्यवर्ती क्षेत्र व्यवस्थापन समितिका अध्यक्ष गेहेन्द्रकुमार खड्काले पशु चौपायाका लागि आवश्यक डाले घाँस, किमु, भटमासे, काप्रोलगायत प्रजातिका करिब एक हजार दुई सय बिरुवा रोपिएको जानकारी दिए ।
“विसं २०६७ सालमा निकुञ्ज स्थापना भएसँगै निकुञ्जभित्र गएर घाँस काट्न मात्रै होइन पस्न नै पाइँदैन । आँखा छलेर पस्दा वन्यजन्तुको सिकार भइने डर पनि हुने भयो । त्यसैले सामुदायिक वनको खाली जग्गामा पशुका लागि घाँस लगाएका हौँ”, उनले भने ।
वन्यजन्तुका कारण मध्यवर्ती क्षेत्रका बासिन्दाले बालीनाली र मानवीय क्षतिका घटना बढ्दै जाँदा मानव र वन्यजन्तुबीचको सहअस्तित्वको आवश्यकता महसुस हुँदै गएको अध्यक्ष खड्काले बताए ।
निकुञ्ज र वन्यजन्तु संरक्षणमा साझेदारी गरिरहेका जेडएसएल नेपालको आर्थिक सहयोग तथा हिमाली प्रकृतिको सहकार्यमा बाँके राष्ट्रिय निकुञ्ज, राजकोट मध्यवर्ती क्षेत्र अन्तर्गतका बसेरी मध्यवर्ती सामुदायिक वन, कुसुमेश्वर मध्यवर्ती सामुदायिक वन र रानी तलाउ मध्यवर्ती सामुदायिक वन क्षेत्रमा हालसम्म करिब १० हजार घाँस प्रजातिका बिरुवा रोपिएको छ ।
अहिले रोपिएका बिरुवा दुईदेखि तीन वर्षको अन्तरालमा घाँसका रुपमा प्रयोग गर्नका लागि तयार हुन्छन् । मध्यवर्ती क्षेत्रमा बसोबास गरिरहेका अधिकांशले बाख्रापालन गरेर जीविकोपार्जन गरिरहेका छन् । अहिले यहाँका स्थानीयलाई पशुचौपायाकै लागि घाँस काट्न दैनिक तीन पटक जङ्गल जानुपर्ने बाध्यता रहेको बसेरी मध्यवर्ती सामुदायिक वन उपभोक्ता समूहका अध्यक्ष प्रेमप्रसाद चौधरीले बताए ।
वन क्षेत्रमा बढ्दो मानवीय गतिविधिले वन्यजन्तुमा असर पर्ने भएकाले सामुदायिक वन क्षेत्रमा घाँस प्रजातिका बिरुवा रोपिएको अध्यक्ष चौधरीले बताए। “वन्यजन्तुको सङ्ख्या वृद्धि भइरहेको छ, हामी सधैँ वनजङ्गलमा घाँस काट्न जाँदा वन्यजन्तु र मानव दुवैलाई क्षति हुन सक्छ भन्ने कुरा हामीले बुझेका छौँ । त्यही कुरा बुझेर नै हामीले नजिकैको सामुदायिक वनमा घाँस प्रजातिका बिरुवा रोपेका हौँ”, उनले भने ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसंस्कृतिमार्फत पर्यटन प्रवर्द्धन गरिँदै
बैशाख १७, २०८१ सोमबार
सिरहाका १३ पालिका दमकल विहीन
बैशाख १६, २०८१ आइतबार
स्वरोजगार प्रवर्द्धन गर्न युवालाई तालिम
बैशाख १२, २०८१ बुधबार
आईजीकै सचिवालयमा एसएसपी कार्कीको चुरीफुरी !
नेपालबहस संवाददाता
बैशाख १९, २०८१ बुधबार
बिहानै कतार एयरको विमानसँग सिम्रिक हेलिकप्टर ठोक्किन आइपुगेपछि.....
नेपालबहस संवाददाता
बैशाख १८, २०८१ मंगलबार
नबिल बैंकको वीरगञ्ज शाखाबाट १ करोड ३४ लाख नोट चोरी, चोर खोज्दै प्रहरी
नेपालबहस संवाददाता
बैशाख १८, २०८१ मंगलबार
भाजपाले दिल्लीमा जनमत पार्टीलाई स्वागत गर्दा जसपा र लोसपालाई किन बोलाइएन ?
बैशाख २०, २०८१ बिहिबार
नबिल बैंकबाट चोरिएको रकमसहित भारतको मोतीहारीबाट ३ जना पक्राउ
बैशाख २०, २०८१ बिहिबार
मटिहानीका खरानीका घर, बौरिने प्रतीक्षामा पीडित
बैशाख २०, २०८१ बिहिबार
सर्लाहीमा आगलागीः एउटै गाउँको ६५ भन्दा बढी घर जले
बैशाख २०, २०८१ बिहिबार
सरकारले ब्यान्डविथको भुक्तानी नतिरेका कारण भारतबाटै इन्टरनेट सेवा प्रभावित
बैशाख २०, २०८१ बिहिबार
खराब कर्जाले बैंकिङ क्षेत्र प्रभावित हुँदा सिटिजन्स बैंक भने खराब कर्जा घटाउन सफल
बैशाख २०, २०८१ बिहिबार
रौतहटको माधवनारायणमा आगलागी हुँदा ५ घर जलेर नष्ट, ७ लाख बढीको क्षती
बैशाख २०, २०८१ बिहिबार
देशभर इन्टरनेट सेवामा समस्या
बैशाख २०, २०८१ बिहिबार