कोहलपुरबाट ५ किलो अफिमसहित तिन जना पक्राउ

दीपक शर्मा 

११ साउन, बाँके । बाँकेको कोहलपुर स्थित एक होटलबाट प्रहरीले ५ किलो भन्दा बढि अफिमसहित तिन जनालाई पक्राउ गरेको जनाएको छ ।  बाँकेको कोहलपुर रहेको वसपार्कमा स्थित कटेज रेष्टुरेन्ट एन्ड लजको कोठा न १०६ मा लागुऔषधको कारोबार भैरहेको छ भन्ने सूचनाको आधारमा प्रहरीले छापा मार्दा लागूऔषधसहित जुम्लाका तिन जना भट्टराई पक्राउ परेका छन  । 

प्रहरीले ५ किलो ३ सय ६८ ग्राम लागु औषध अफिमसहित तिन जनालाई पक्राउ गरिएको इलाका प्रहरी कार्यालय कोहलपुरका प्रहरी नायव उपरिक्षक सुन्दर तिवारीले नेपाल बहसलाई  बताए ।

उनका अनुसार पक्राउ पर्नेहरुमा जुम्ला तिला गाँउपालिका ३ का ४१ वर्षीय हरिप्रसाद भट्टराई, ४० वर्षिय भवानी प्रसाद भट्टराई र ३० वर्षिय देवीप्रसाद भट्टराई रहेका छन ।

पक्राउ परेका तिनै जनाले लागुऔषध अफिमको कारोबार गर्दै आइरहेको बुझिएको छ । उनिहरुले सो अफिम नेपालगन्ज, बर्दिया ,दाग लगायत भारतमा समेत विक्रि गर्ने गरेको बुझिएको छ । तिवारीका अनुसार थप अनुसन्धान जारी रहेको बताए।