पचपन्न लाखको ईलेक्ट्रोनिक तथा खुद्रा सामानसहित ट्रक बरामद

११ साउन, पर्सा । पर्सा प्रहरीले पचपन्न लाख पचासी हजार पाँच सय भन्दा बढीको ईलेक्ट्रोनिक तथा खुद्रा सामानहरू लोड रहेको ट्रक नियन्त्रणमा लिएको छ ।

वीरगञ्जबाट चितवनतर्फ जाँदै गरेको अवस्थामा चेकजाँच गर्ने क्रममा महानगरको गण्डक चोकबाट ईलेक्ट्रोनिक तथा खुद्रा सामानहरू बोकेको ना.३ ख ५६७१ नम्बरको मालवाहक ट्रक नियन्त्रणमा लिएको हो ।  

ईलेक्ट्रोनिक तथा खुद्रा सामानहरू नियन्त्रणमा लिएको ट्रकलाई थप अनुसन्धान तथा  कारबाहीको लागि बुधबार नै राजश्व अनुसन्धान कार्यालय पथलैया, बारामा बुझाइएको  प्रहरीले जनाएको छ ।