हिरासतमा लिइएका चिनियाँ नागरिक लिनले लाजिम्पाटस्थित भाडामा लिएको घरमा राजश्वकाे छापा

११ साउन, काठमाडौं । राजश्व अनुसन्धान विभागले सय किलो सुन तस्करी प्रकरणमा पक्राउ परेका चिनियाँ नागरिक जिक्वान लिनले भाडामा लिएको एक घरमा छापा मारेको छ । सुन लुकाएको आशंकामा लिनले लाजिम्पाटमा भाडामा लिएको घरमा विभागले बिहीबार छापा हानेको हो । 

छापा मार्दा सुन जन्य कुनै वस्तु नभेटिएपछि भाडामा लिएको फ्ल्याट सिल गरिएको छ । गोदाममा र घरमा छापा मार्ने समय फरक भएकाले सामान उठाइसकेको आशंका गरिएको छ । यसअघि बुधबार लिनकै बालुवाटारस्थित गोदामबाट सुन गाल्ने मेसिन बरामद भएको थियो ।