भन्सार छली ल्याएको २ लाख मूल्य बराबरको सामानहरु बरामद

१२ साउन, पर्सा । पर्सा प्रहरीले भन्सार छली चोरी पैठारी गरि ल्याएको २ लाख १५ हजार ६ सयका विभिन्न किसिमका सामानहरु बरामद गरेको छ । विशेष चेकजाँचको क्रममा बरामद गरिएको भन्सार छली ल्याएको सामानहरु आवश्यक कारबाहीको लागि वीरगञ्ज भन्सार कार्यालयमा पठाएको जिल्ला प्रहरीले कार्यालय पर्साले जनाएको हाे । 

अस्थाई प्रहरी पोष्ट ईनर्वा गाउँको टोलीले २७ हजार मूल्य बराबरको ९० पिस सल बरामद गरेको जनाएको छ । यस्तै ईलाका प्रहरी कार्यालय छप्कैयाको टोलीले ६६ हजार मूल्य बराबरको ११ थान कुर्था सुरवाल बरामद गरेको बताइएको छ  । 

पर्सा प्रहरीले दिएको जानकारी अनुसार ३० हजार मूल्यको मोटरको पार्टसहरु १ पोका प्रहरी चौकी सिर्सियाको टोलीले बरामद गरेको छ । उता प्रहरी चौकी ईनर्वाको टोलीले ५२ हजार ६५० मूल्य बराबरको सामान बरामद  गरेको छ ।

जसमा लेडिज सर्ट ६३ पिस, थानको कपडा २ थान, सानो व्याग २० पिस, कस्तुरी मदिरा ८३ पिस चेकजाँचको क्रममा नियन्त्रणमा लिएको जनाएको छ ।