साना किसान विकास लघुवित्तको शेयर रजिस्ट्रार सन्‌राइज क्यापिटल नियुक्त

१२ साउन, काठमाडौं । साना किसान विकास लघुवित्त वित्तीय संस्था लिमिटेडको शेयर रजिस्ट्रार सन्‌राइज क्यापिटल लिमिटेडलाई नियुक्त गरिएको छ । साना किसान विकास लघुवित्त, बबरमहल, काठमाडौंको शेयर रजिस्ट्रार सम्बन्धी सम्पूर्ण कार्य गर्नको लागि सन्‌राइज क्यापिटललाई नियुक्त गरेको हो । 

उक्त कार्यको लागि कम्पनीका तर्फबाट नायब प्रमुख कार्यकारी अधिकृत डा. नबराज सिम्खडा तथा सन्‌राइज क्यापिटल लिमिटेडका तर्फबाट प्रमुख कार्यकारी अधिकृत बिजय लाल श्रेष्ठद्वारा द्धिपक्षीय सम्झौता पत्रमा हस्ताक्षर गरिएको हो । 

साना किसान विकास लघुवित्त वित्तीय संस्था लिमिटेड तथा आरएमडीसी लघुवित्त वित्तीय संस्था लिमिटेड असार २४ गतेबाट मर्जर भई साना किसान विकास लघुवित्तको नामबाट एकिकृत कारोबार संचालन भएको हो ।