भ्यान दुर्घटना हुँदा दुईजनाको मृत्य

१२ साउन,काठमाडौं । काठमाडौंबाट चित्लाङतर्फ जाँदै गरेको भ्यान दुर्घटना हुँदा दुईजनाको मृत्य भएको छ । चन्द्रगिरि नगरपालिका–४ पानीघाटभन्दा माथि हिमचुली भन्ने ठाउँमा बा.१० च ३५४६ नम्बरको भ्यान दुर्घटना हुँदा दुईजनाको मृत्यु भएको हो ।  

शुक्रबार दिउँसो भ्यान सडकबाट करिब दुई सय मिटर तल खसेर चालकसहित दुईजनाको मृत्यु भएको प्रहरीले जनाएको छ । प्रहरीका अनुसार मृतकको पहिचान खुल्न सकेको छैन । 

प्रहरीको प्रारम्भिक अनुसन्धानले काठमाडौंबाट चित्लाङतर्फ जाने क्रममा हिलोमा फसेको भ्यानलाई धकेल्दा ओभर स्पिड भएर सडकबाट खसेको देखाएको छ ।