उम्मेदवार बन्ने उद्देश्यले यो पार्टीमा नआउनु, राश्वपा कसैलाई पाल्न र पोस्न आएको हैनः लामिछाने

१३ साउन, काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेले रास्वपामा प्रवेश गरेपछि स्वतः उम्मेदवार बन्न सकिन्छ भन्ने उद्देश्य मात्र लिएर पार्टीमा प्रवेश गर्ने गरेको भन्दै यसमा आबद्ध हुनु भनेको उमेदवार बन्नु नभएको बताएका छन् । उनले रास्वपा कसैलाई पोस्न र पाल्न नआएको बताए । 

शनिबार काठमाडौंमा आयोजित एक कार्यक्रमलाई सम्बोधन गर्दै उनले पछिल्लो समय रास्वपामा सहभागी बनेकाहरूले आफू नै मेयर, वडा अध्यक्षको उमेदवार हो भन्ने गरेको भन्दै रास्वपामा अहिले सहभागी हुनु भनेको उमेदवार बन्नु नरहेको स्पष्ट पारेका हुन् । 

रास्वपा साधारण समयमा बनेको पार्टी नभएको भन्दै उनले रास्वपा कसैलाई पोस्न, पाल्न बनेको पार्टी नभएको जिकिर गरे । उनले मिसन ०८४ सही नेतृत्व छान्न सकेको खण्डमा मात्रै सफल हुने बताए । देशमा राम्रा नारा सबैले लगाउने भन्दै उनले नारा राम्रो भन्दा पनि पारा राम्रो हुनुपर्नेमा जोड दिए । 

मिसन ०८४ भनेको सही नेतृत्व छान्न सकियो भने मात्रै सम्भव हुन्छ, नारा सबैले लगाउँछन्, नारा ठीक भएर भएन पारा ठीक हुनुपर्छ, पारा ठीक हुनका लागि हामीसँग राम्रा मान्छे जोडिनुपर्छ, सभापति लामिछानेले भने । यो दौड होइन, जो दौडेर पदमा पहिला बस्यो उसैले उम्मेदवारी पाइहाल्यो । रास्वपा अन्य पार्टीको हुलमा पार्टी नपुगेर जन्मिएको पार्टी होइन ।’ 

सभापति लामिछानेले नराम्रो काम गर्ने पार्टीका नेताहरूलाई तत्काल कारबाही गर्ने स्पष्ट पारे । उनले रास्वपा मिसन २०८४ को अभियानमा रहेको बताए । पछिल्लो समय रास्वपामा सहभागी बनेकाहरूले आफू नै मेयर, वडा अध्यक्षको उम्मेदवार हो भन्ने गरेको भन्दै रास्वपामा आबद्ध हुनु भनेकै उम्मेदवार बन्नु नभएको उनले बताए ।

उनले रास्वपा साधारण समयमा बनेको पार्टी नभएको बताउँदै कसैलाई पोस्न, पाल्न बनेको पार्टी नभएको दाबी गरे । देशमा राम्रा नारा सबैले लगाउने गरेको बताउँदै उनले नारामा नभई पारा राम्रो हुनुपर्ने बताए । सभापति लामिछानेले नराम्रो काम गर्ने आफ्नो पार्टीका नेताहरूलाई तत्काल कारबाही गर्ने बताए ।