न्यायाधीश नियुक्तिविनै हुनेभो कार्कीको अवकास

१४ साउन, काठमाडौं । सर्वोच्च अदालतको प्रधानन्यायाधीश सिफारिसका लागि संवैधानिक परिषदको बैठक बालाउने तयारी गरिएको छ । २० साउनमा हालका प्रधानन्यायाधीश हरिकृष्ण कार्की उमेरहदका कारण अवकासमा जाने भएपछि नयाँ प्रधानन्यायाधी नियुक्तिको प्रक्रिया अगाडी बढाउन संवैधानिक परिषदको बैठक डाक्न लागिएको हो । हाल कानुनमन्त्री धनराज गुरुङ अमेरिकामा रहेका उनी फर्किएपछि संवैधानिक परिषदको बैठक बस्नेछ । 

आइतबार प्रधानमन्त्री पुष्पकमल दाहाल प्रचण्ड र नेकपा एमालेका अध्यक्ष केपी शर्मा ओलीबीच भएको छलफलमा सर्वोच्चमा प्रधानन्यायाधीश नियुक्तिका लागि नाम सिफारिस गर्न संवैधानिक परिषदको बैठक बोलाउन विषयमा छलफल भएको थियो । छलफलमा प्रधानमन्त्री प्रचण्डले  अमेरिकामा रहेका कानुमन्त्री गुरुङ नेपाल फर्किएपछि बैठक बोलाउने बताएका थिए । अहिले सर्वोच्च लगायत उच्च र जिल्ला अदालतमा पनि न्यायाधीश नियुक्ति हुन सकेको छैन् । 

प्रधानन्यायाधीश हरिकृष्ण कार्कीले न्यायाधी नियुक्तिका लागि बोलाएको न्यायपरिषद बैठकमा सदस्यहरुबीच सहमति हुननसक्दा न्यायाधीश नियुक्तको प्रक्रिया अगाडी बढ्न सकेको छैन् । कार्की बहुमतका आधारमा भएपनि आफू रहँदै सर्वोच्च र उच्च अदालतमा न्यायाधीश नियुक्ति गर्न चाहिरहेका थिए । तर, कानुनमन्त्री गुरुङ र अर्का वरिष्ठतम न्यायाधीश विश्वम्भरप्रसाद श्रेष्ठले पहिले मापदण्डमा आएका विवादको समाधान गरेर मात्रै न्यायाधीश नियुक्ति गर्नु पर्ने अडानमा रहेकाले नियुक्तिमा कार्कीको जोड चलेन ।  

अहिले कानुमन्न्त्री नभइएकाले पनि २० गते अगाडी न्यायाधीश नियुक्ति गर्न सम्भव देखिएको छैन् । छोटो समयका लागि प्रधानन्यायाधीश भएका कार्की न्यायाधीश नियुक्ति नगरीकनै सर्वोच्चबाट बाहिरने भएका छन् । उनी पछि प्रधानन्यायाधीश हुने रोलक्रम आएकाले पनि आफू प्रधानन्यायाधीशमा नियुक्त नभएसम्म कार्कीकालाई न्यायाधीश नियुक्ति गर्न सघाउने पक्षमा श्रेष्ठ देखिएका छैनन् । कार्की पछि श्रेष्ठनै प्रधानन्यायाधीश हुने हुन । 

संवैधानिक व्यवस्था अनुसार एक महिना अगाडी नै प्रधाननयायाधीश सिफारिस हुनपर्ने भएपछि अब कार्कीको समय सकिन ५ दिनमात्र बाँकी छ । यो पाँच दिनभित्र संवैधानिक परिषदको बैठक बसेर नयाँ प्रधानन्यायाधीश सिफारिस गरिसक्नुपर्नेछ । तर, यो पनि सम्भव देखिएको छैन । विश्वम्भरप्रसार श्रेष्ठ पनि कामु प्रधानन्यायाधीश हुने अवस्था सिर्जना हुँदैछ । 

२० गते अगाडी सिफासिर नभए स्वतह उनी कामु प्रधाानन्यायाधीश हुनेछन् ।  सहमति नहुँदा लामो समय देखि रिक्त रहेका पदमा न्ययाधीश नियुक्ति हुन नसकेको हो । अब पहिले प्रधानन्यायधीश सिफारिस भएर प्रधाननयायाधीशमा नियुक्त भएपछि मात्र न्यायधीश नियुक्तिको प्रक्रिया अगाडी बढ्ने देखिन्छ । सम्भवतः साउन १९ गते संवैधानिक परिषदको बैठक बस्नेछ । प्रधानमन्त्री प्रचण्डले कार्की अवकासमा जानुभन्दा अगाडी नै परिषदलको बैठक बोलाउन बताएका छन् ।