एलआईसी नेपालको साधारण सभा आज, के के छन् एजेण्डा ?

१७ साउन, काठमाडौं । लाइफ इन्सोरेन्स कर्पोरेसन नेपाल (एलआईसी नेपाल) को आज बुधबार (साउन १७ गते) साधारण सभा बस्दैछ । सभा मध्यान्ह १२ः१५ बजे बस्नेछ। यसअघि दिउँसो ४ बजे बस्ने भनिएकोमा समय परिवर्तन गरेर १२ः१५ बजे निर्धारण गरिएको हो । 

साधारण सभा लिसारा रिसेप्सन, भगवती बहाल काठमाडौंमा हुनेछ । यस कम्पनीले २० औं साधरणा सभा डाकेको हो । यता, कम्पनीले यो वर्ष लगानीकर्ताको हात रित्तो बनाउने भएको छ ।

लाभांश वितरण सम्बन्धी एजेन्डा छैन । यसले गत वर्ष भने २०५ बोनस सेयर र कर तिर्न १.०५५ लाभांश वितरण गरेको थियो । सभामा ४.६५५ संस्थापक शेयरलाई सर्वसाधारणमा परिवर्तन गर्ने प्रस्ताव रहेको छ ।

यस्तै, कम्पनीको प्रबन्धपत्र तथा नियमावली संशोधन गर्ने एजेन्डा छ । सभामा कम्पनीको आर्थिक वर्ष २०७७–७८ को नाफा नोक्सान सम्बन्धी हिसाबका सम्बन्धमा छलफल हुनेछ । यस्तै, आर्थिक वर्ष २०७८–७९ का लागि लेखापरीक्षक नियुक्ति र पारिश्रमिक निर्धारण गर्ने एजेन्डा पनि रहनेछ । 

साधारण सभा प्रयोजनका लागि कम्पनीले साउन ९ गते बुक क्लोज गरिसकेको छ । साउन ८ गतेसम्म कायम रहेका सेयरधनीले मात्र सभामा भाग लिन सक्नेछन् ।