लम्पी स्किन रोगलाई महामारी घोषणा गर्न माग, प्रभावित किसानलाई क्षतिपूर्ति दिइनुपर्ने

१७ साउन, काठमाडौं । लम्पी स्किन रोगलाई महामारी घोषणा गर्न सरकारसँग माग गरेको छ । साथै रोगबाट प्रभावित किसानलाई तत्काल उचित क्षतिपूर्ति दिन समेत सरकारको ध्यानाकर्षण गराउँदै काठमाडौंमा प्रदर्शन गरेका छन् । 

एमाले काठमाडौँ महानगरपालिका कमिटीले बुधबार लम्पी स्किन रोगलाई महामारी घोषणा गर्न र रोगबाट प्रभावित किसानलाई तत्काल क्षतिपूर्ति उपलव्ध गराउन माग गरेको हो । प्रदर्शनमा सहभागीहरुले रोग लागेका पशुहरुको निशुल्क उपचार तथा औषधी वितरण, किसानलाई क्षतिपूर्ति तथा राहत र सहुलियत ब्याज दरमा कर्जा उपलब्ध गराउन माग गरेका छन् । उनीहरुले आजै सरकारलाई ज्ञापन पत्र बुझाउने भएको छ ।

रोग हाल देशैभर फैलिइसकेको र यसबाट हालसम्म गाई, गोरु र भैसीं गरेर २९ हजार बढी मरिसकेको सरकारी तथ्यांकले देखाएको छ । यो रोगका कारण गोरु बिरामी पर्ने र मर्ने घटनाका कारण पहाडी क्षेत्रमा धारन रोपाइँ समेत प्रभावित हुन पुगेको छ । चालु आवमा चामलको संकट निम्ति विज्ञहरुले औल्याएका छन् । पहाडी क्षेत्रका किसान खेतीका लागि बाह्रै महिना गोरुमा भर पर्दै आएका छन् । गोरु अभाव परेपछि यो वर्ष पहाडमा धेरै किसानले खनेर धान रोपाइँ गरेका छन् ।

रोगले महामारी रुप लिइसकेको अवस्थामा पनि आफूहरुले सरकारबाट औषधोपचार पाउन नसकेको किसानहरुले गुनासो गरिरहेका छन् । औषधि पनि महंगो पर्ने भएकाले पशुलाई खुवाउन मुश्किल परेको उनीहरुको दुखेसो छ ।