ग्लोबल आइएमई बैंकले ल्यायाे साउन स्पेसल अफर, महिला ग्राहकलाई निःशुल्क क्रेडिट कार्ड

१७ साउन, काठमाडौं । ग्लोबल आइएमई बैंक लिमिटेडले साउन महिनाकाे लागि महिला ग्राहकहरूलाई निःशुल्क क्रेडिट कार्ड उपलब्ध गराउने गरी साउन स्पेसल अफर सार्वजनिक गरेको छ ।

बैंकले सार्वजनिक गरेको यो योजना अन्तर्गत महिला ग्राहकहरूले निःशुल्क रुपमा बैंकको क्रेडिट कार्ड प्राप्त गर्न सक्ने छन् । यो योजना साउन १६ गतेदेखि सीमित अवधिका लागि लागु हुने बैंकले जनाएकाे छ ।

आफ्ना ग्राहक वर्गको सुविधालाई मध्यनजर गरी बैंकले यस्ता किसिमका समय सान्दर्भिक योजनाहरु ल्याएर ग्राहकहरूलाई लाभान्वित गर्दै आएको बताइएकाे छ । 

ग्लोबल आइएमई बैंक मुलुकका ७७ जिल्लामा शाखा सञ्जाल रहेको निजी क्षेत्रको पहिलो वाणिज्य बैंक हो । बैंकले ३५९ शाखा कार्यालय, ३६७ एटीएम, ३२२ शाखा रहित बैंकिङ सेवा, ६४ एक्सटेन्सन तथा राजश्व संकलन काउन्टर तथा ३ वटा वैदेशिक प्रतिनिधि कार्यालयसमेत गरी १,१०० भन्दा बढी सेवा केन्द्रबाट ४० लाख भन्दा बढि ग्राहकहरू माझ सेवा प्रदान गरिरहेको जनाएकाे छ ।