बरामद अवैध काठ वन कार्यालयमा बुझाइयो

१७ साउन, काठमाडौं । कञ्चनपुरमा अवैध काठ बरामद गरिएको छ । पुनर्वास नगरपालिका–११ स्थित नमुना ईट्टा उद्योग नजिकै भारतको दुधुवा नेशनल पार्कबाट करिब ३०० मिटर पश्चिममा ८ वटा गोलिया अन्दाजी ४१ क्युफिट बराबरको सालको काठ बरामद गरिएको हो । 

प्रहरी चौकी परासनबाट खटिइएको प्रहरी गस्ती टोलीले मंगलवार राति वेवारिसे अवस्थामा फेलापारी बरामद गरेको जनाएको छ । आवश्यक कारबाहीका लागि सब डिभिजन वन कार्यालय कुण्डामा बुझाएको जनाइएको छ ।