बैतडीमा अनौठो बच्चा जन्मियो, टाउकोतिर खुट्टा !

१८ साउन, बैतडी। बैतडीको दोगडाकेदार गाउँपालिका वडा न. ८ कालागाउँ माल्लेकी एक महिलाले टाउतिर खुट्टा भएको अनौठो बच्चा जन्माएकी छन् । कालागाउँको  माल्लेकी १७ वर्षीय सिमा लुहारले कटौपानी स्वास्थ्य चौकीमा बिहिबार बिहान सो बच्चा जन्माएको अनमी रमिता जोशीले बताइन । 

जन्मिएको बच्चा छोरी रहेको छ, अनमी जोशीले भनिन, “जन्मने मितिभन्दा ए हप्ता माथी जन्मिएको बच्चाको टाउको तिर खुट्टा भएको र हात पनि खुट्टा जस्तै माथि  गएको छ।” सिमाको बच्चाको जन्म जोखिमपुर्ण  रुपमा भएको स्वास्थ्य चौकी स्रोतले बताएको छ । बच्चा जन्माउन स्वास्थ्य संस्थामा आएको र सिमासङ्ग आफन्तहरु आएका अनमी जोशीले बताईन। उनले भनिन , सिमाकाे कम उमेर भएको र धेरै कमजोर भएकोले  यस्तो बच्चा जन्मिएको हो। 

लुहारको दुई महिना हुँदा गर्भ जाँच गराउँदा खेरी बच्चाको अवस्था ठिकै रहेको थियो । गर्भमा रहदा बच्चा एउटै ठाउँमा बसेकोले यस्तो भएको स्वास्थ्यकर्मीहरुले बताएका छन् । लुहारको आर्थिक अवस्था कमजोर छ । उनले भने, “स्वास्थ्यकर्मीले बच्चाको टाउको तिर खुट्टा भएको र हात पनि त्यस्तै भएको जानकारी दिए । सिमाका श्रीमान भोला लुहार रोजगारीको सिलसिलामा भारत छन् ।" यसको उपचार सम्भव रहेको र हात जोर्नी अस्पतालमा देखाउनुपर्ने स्वास्थ्य चौकी प्रमुख महेश सिंह बिष्टले बताए ।