गौर हत्याकाण्डबारे छनविन गर्न मन्त्रालयका सचिवको नेतृत्वमा छिट्टै टोली गठन हुन्छः प्रधानमन्त्री

२० साउन, काठमाडौं । प्रधानमन्त्री पुष्पकमल दाहाल प्रचण्डले गौर हत्याकाण्डको छानविन र संघर्ष समितिसँग बार्ता गर्न चाडै टोली गठन गर्ने जनाएका छन् । प्रधानमन्त्री भेट्न बालुवाटार पुगेका गौर हत्याकाण्डका पीडितसँग प्रधानमन्त्री प्रचण्डले टोली बनाउने बताएका हुन् । 

गौर हत्याकाण्डका पीडित संघर्ष समितिको टोली न्यायको माग गर्दै शनिवार बिहान प्रधानमन्त्री निवास बालुवाटार पुगेको थियो । भेटका क्रममा प्रधानमन्त्री प्रचण्डले छिट्टै सचिवको नेतृत्वमा वार्ता टोली बनाउने र ठोस सहमति गर्ने बताएको संघर्ष समितिको संयोजक रुपसागर देवीले जानकारी दिइन् ।

गौर हत्याकाण्डका पीडितहरू लामो समयदेखि न्यायका लागि संघर्ष गरिरहेका छन् । उनीहरूले धर्ना र प्रदर्शनलगायतका आन्दोलनका कार्यक्रम गररहेका छन् । पीडितहरूले काठमाडौं केन्द्रित आन्दोलन गर्ने चेतावनी दिएपछि प्रधानमन्त्री प्रचण्डले आज छलफल गरेका हुन् ।