सामाखुशी खोलामाथिको स्ल्याबमा बनाइएको प्रहरी बिट हटाइयाे

२१ साउन, काठमाडौं । काठमाडौं महानगरले सामाखुशी खोलामाथिको प्रहरी बिट हटाएको छ । काठमाडौं महानगरपालिका–२६ स्थित खोलामाथि बनेको प्रहरी बिट शुक्रबार खाली गरिएको वडाध्यक्ष ख्यामराज तिवारीले बताए । 
उनका अनुसार बिट खाली गरिएपनि संरचना भने हटाइएको छैन । बिटका प्रहरीलाई हाल नजिकैको आशिष चर्चमा सारिएको छ । खोलामा आएको बाढीले साउनको पहिलो हप्ता एक बालकलाई बगाएको थियो । बालको शव दुई दिनअघि मात्र दक्षिणकाली नजिक बाग्मतीमा फेला परेको थियो । 

महानगरपालिकाले सामाखुशी खोलालाई पूर्ववत् अवस्थामा फर्काउन स्ल्याब हटाउने कार्य जारी राखेको छ । दुवैतर्फका किनारा खुला छोडदा मानीय क्षति समेत नरोकिएपछि खोलाको दुवै साइमा पर्खाल र बार लगाउने योजना महानगरले बनाएको छ ।