मानव अधिकारको गम्भीर उल्लंघनका घटनामा संलग्नलाई आममाफी दिने कुरा आउँदैन : रमेश लेखक

२१ साउन, कामठाडौं । सत्ता साझेदारका मुख्य दल नेपाली कांग्रेसका सांसद रमेश लेखकले गम्भीर प्रकृतिको मानव अधिकार हननको घटनामा संलग्नहरुलाई आम माफी दिने नमिल्ने बताएका छन् । 

संसदमा प्रमुख सचेतक समेत रहेका लेखकले संक्रमणकालीन न्यायसम्बन्धी विधेयकमा रहेका संलग्न भएका व्यक्तिलाई माफी मिल्ने प्रावधान हटाउनुपर्ने बताए । मानव अधिकार तथा शान्ति समाजले आइतबार काठमाडौंमा आयोजनामा भएको सदमा प्रस्तुत केही नेपाल ऐन संशोधन विधेयकहरु’ कार्यक्रममा बोल्दै उनले विधेयक परिमार्जन गरेर अघि बढने बताएका हुन् । विधेयक अहिले संसदको विषयगत समितिमा छलफलका क्रममा रहेको छ ।

सशस्त्र द्वन्द्वका क्रममा भएका मानव अधिकारको गम्भीर उल्लंघनमा संलग्नलाई उन्मुक्ति दिने किसिमबाट विधेयकमा प्रावधान राखिएको भन्दै हटाउन मागसहित द्वन्द्वका पीडितहरुले सडकमा प्रदर्शन गर्दै आइरहेका छन् । 

तत्कालीन विद्रोही माओवादीले चलाएको सशस्त्र द्वन्द्वमा माओवादी र सरकार पक्षबाट १७ हजार भन्दा बढी नागरिकको ज्यान गएको र ८ हजार बढी बेपत्ता भएकाे ठानिएको छ । द्वन्द्वका पीडितलाई न्याय दिन भन्दै सरकारले संक्रमणकालीन न्याय र सत्य निरुपण सम्बन्धी विधेयक ल्याएको हो ।

जसमा मानव अधिकार उल्लंघन र गम्भीर मानव अधिकार उल्लंघन गरी दुई थरि प्रावधान राखिएको छ । गम्भीर मानव अधिकार उल्लंघन अन्तर्गतका प्रावधानले दोषीलाई माफी दिन सक्ने भन्दै खारेजीको माग गरेका हुन् ।