संसदको अवरोध हटाउन शीर्ष नेताहरु छलफलमा

२२ साउन, काठमाडौं । संघीय संसदको दुवै सदनको अवरोध हटाउन शीर्ष नेताहरूबीच छलफल सुरु भएको छ । सभामुख देवराज घिमिरेको पहलमा उनकै कार्यकक्षमा शीर्ष नेताको छलफल सुरु भएको हो ।

संसदको तल्लो सदन प्रतिनिधिसभा र माथिल्लो सदन राष्ट्रियसभाको बैठक आज दिउँसो १ बजे बोलाइएको छ । प्रमुख प्रतिपक्षी नेकपा (एमाले)ले सुन तस्करी प्रकरणमा गहन अनुसन्धान गर्न उच्चस्तरीय छानबिन समिति गठन हुनुपर्ने माग राख्दै संसदमा अवरोध गर्दै आएको छ । सरकारले भने विभिन्न निकायले अनुसन्धान गरिरहेको बेला थप समिति आवश्यक नपर्ने भन्दै गठन गर्न इन्कार गर्दै आइरहेको छ । 

बैठकमा प्रधानमन्त्री प्रचण्ड, कांग्रेस सभापति शेरबहादुर देउवा  र एमालेका अध्यक्ष केपी शर्मा ओलीसहित  प्रमुख सचेतक र सचेतकहरु सहभागी भएका छन् ।