जुवातास खेलिरहेको अवस्थामा उपत्यकाबाट १० जना पक्राउ

२२ साउन, काठमाडौं । काठमाडौं महानगरपालिका–१६ नयाँबजारबाट ४ र ललितपुरको गोदावरीबाट ६ जना गरी १० जनालाई जुवातास खेलिरहेको अवस्थामा प्रहरीले १० जनालाई पक्राउ गरेको छ ।

नयाँबजारमा दिपेश अटोलिंक कार्यालयमा तास खेलिरहेको अवस्थामा उनीहरुलाई तास र रकमसहित रंगेहात पक्राउ गरिएको हो । 

पक्राउ पर्नेमा सिन्धुपाल्चोक ईन्द्रावती गाउँपालिका–२ घर भएका २८ वर्षीय दिपेशभक्त श्रेष्ठसहित ४ जना र ललितपुरको गोदावरी नगरपालिका–१३ झरुवाराशीस्थित बिष्णुप्रसाद घिमिरेको कुखुरा फर्ममा जुवातास खेलिरहेको अवस्थामा घिमिरेसमेत ६ जनालाई पक्राउ गरेको प्रहरीले जनाएको छ ।