शेयरबजार २८.४० अंकले घट्यो, दुई कम्पनीमा सकारात्मक सर्किट

२३ साउन, काठमाडौं । शेयरबजार अझै पनि सम्हालिन सकेको छैन । मंगलबार कारोबारको अन्तिम प्रहरमा नेप्से थप उच्च अंकले घटेको छ । कारोबार रकम पनि प्रभावित भइरहेको छ । यस दिन नेप्से सूचक २८.४० विन्दुले घटेर २०१९.८५ अंकमा आएर अडिएको छ ।

 दुई कम्पनीमा सकारात्मक सर्किट लाग्दा १ अर्ब ७३ करोड रूपैयाँभन्दा बढीको शेयर कारोबार भएको छ । सबै समूहका सूचक घटेका छन् ।

यस दिन २६५ कम्पनीको ४८ लाख ६० हजारभन्दा बढी कित्ता शेयर कारोबार भएको छ । १७ करोड ८९ लाख रूपैयाँसहित कारोबार रकममा आइएमई लाइफ इन्स्योरेन्स अग्रस्थानमा रहेको छ । यसैगरी, दोस्रो र तेस्रो स्थानमा क्रमशः शिवम् सिमेन्ट्स र एभरेष्ट बैंक परेका छन् ।