आर्मी दिल्ली एफसीसँग बराबरीमा रोकियो

२४ साउन,  काठमाडौं । भारतमा जारी डुरान्ड कपमा नेपालको ए डिभिजन क्लब त्रिभुवन आर्मी दिल्ली एफसीसँग बराबरीमा रोकिएको छ ।

समूह ‘ई’ अन्तर्गत मंगलबार गुहावाटीमा भएको खेलमा आर्मीले अन्तिम समयमा गोल खाँदा खेल दिल्ली एफसीसँग १–१ को बराबरीमा रोकिएको हो । 

पहिलो हाफको ३९औं मिनेटमा दिनेश हेन्जनले गोल गर्दै आर्मीलाई अग्रता दिलाएका थिए । तर अन्तिम अर्थात ८८औं मिनेटमा समयमा दिल्लीले गोल फर्काउँदा आर्मीले जित निकाल्न सकेन । बराबरीसँगै आर्मी ३ अंक जोड्नबाट चुक्यो । दिल्लीका लगि गरिक घोस्लाले बराबरी गोल गरे ।

आर्मीले अब दोस्रो खेल चेन्नाइको आईएसएल क्लबसँग अगष्ट १४ र हैदरवादसँग अगष्ट २२ मा खेल्नेछ ।