भित्री वस्त्रमा सुनको बिस्कुट लुकाएर ल्याइरहेको अवस्थामा पोखरामा एक महिला पक्राउ

२५  साउन, काठमाडौं । पोखराको बसपार्कबाट एक महिलालाई भित्री बस्त्र (ब्रा)मा सुनको बिस्केट लुकाएर बसमा यात्रा गरिरहेका एक महिलालाई प्रहरीले पक्राउ गरेको छ । 

बैदाम प्रहरी प्रमुख डीएसपी वेदप्रकश जोशीका अनुसार काठमाडौंबाट पोखरा पुगेको ग १ ख ९९४४ नम्बरको बसबाट चेकजाँचका क्रममा काठमाडौं जोरपाटी बस्ने ४५ वर्षीया कल्पना गुरुङलाई सुनको बिस्कृटसहित पक्राउ गरिएको हो । 

गुरुङले उक्त बस्त्रभित्र सुनको बिस्कुट र औँठी लुकाएर लगिरहेको अवस्थामा पक्राउ परेको कास्की प्रहरीले जनाएको छ । बरामद सामान सुन नै भएको र थप परीक्षणका लागि राजश्व अनुसन्धान कार्यालयमा पठाइएको प्रहरीको भनाइ छ । बरामद सुनको तौल २८ तोला रहेको बताइएको छ ।

अभियुक्त कल्पनाले आफूलाई पैसा दिएर सुन पोखरासम्म पुर्याउन भनेको बयान दिएको प्रहरीको भनाइ छ ।

यही साउन २ गते त्रिभुवन अन्तर्राष्ट्रिय विमानस्थलबाट एक सय पचपन्न किलोग्राम भन्दा बढी सुन मोटरसाइकलको ब्रेकसुमा परिणत गरेर तस्करी भएको र त्यसमध्ये एक सय किलोग्राम जति मात्र सिनामंगलबाट बरामद भएको थियो । सो विषयले राजनीतिमा तरंग पैदा गरिदिएको छ । 

विदेशबाट विभिन्न पार्टपूर्जामा राखेर तस्करी गर्ने र काठमाडौं आइपुगेपछि गालेर बिस्कुट बनाउने काम तस्करलेहरुले गर्दै आइरहेको रहस्य सुन तस्कर प्रकरणको अनुसन्धानमा खुलेको छ ।

बरामद हुन नसकेको सुन काटमाडौंभित्रै घुमिरहेको अनमान गरिरहेका बेला पोखरामा सुनको बिस्कुट बरामद भएको हो ।