कपनको ७ तले क्षेत्रमा महानगरले चलायो डोजर

२५ साउन, काठमाडौं । काठमाडौँ महानगरपालिकाले वडा नं. ७ र बुढानिलकण्ठ नगरपालिकाको वडा नं. १० को सीमा क्षेत्रमा पर्ने कपन खोलामाथि बनाइएको स्ल्याब हटाउन डोजर चलाएको छ । तर स्थानीयले भने विरोध जनाएका छन् । 

स्ल्याब हटाउने क्रममा महानगर प्रहरी र स्थानीयबीच झडप समेत भएको छ । पानी पर्दा खोलामा पानी नअटाएर बस्ती डुबानमा पर्ने गरिएको र त्यसमा स्ल्याब हटाएर दुवै तर्फ आवश्यकता अनुसार फलामे बार र पर्खाल लगाउने योजना महानगरले बनाएको छ । गएको महानगरको नगर प्रहरी र स्थानीयबीच झडप समेत भएको स्थानीयले बताएका छन् । 

स्ल्याब हटाउने क्रममा स्ल्याब र खोला अतिक्रमण गरी बनाइएका घर टहरा समेत भत्काउन थालेपछि घर र टहराका मानिसहरुले विरोधमा उत्रिएका हुन् । अहिले बुढानिलकण्ठ नपाका प्रतिनिधि र महानगरको टोलीबीच छलफल भइरहेको छ ।