राष्ट्रपति बाइडेनलाई हत्याको धम्की दिने व्यक्तिको सुरक्षा कारवाहीमा मृत्यु

२५ साउन, काठमाडौं । अमेरिकामा राष्ट्रपति जो बाइडेन र कमला ह्यारीलाई ज्यान मार्ने धम्की दिने एक व्यक्तिको सुरक्षाकर्मीको कारवाहीमा मृत्यु भएकाे छ । 

बाइडेन उटाह भ्रमणमा आउनुभन्दा केही घण्टाअघि फेडरल ब्यूरो अफ इन्भेस्टिगेसन (एफबीआई)ले अभियुक्त लुकेको ठाउँमा बुधबार छापा मार्दा अभियुक्त प्रतिकारका उत्रिएपछि जवाफी कारवाहीमा मृत्यु भएको एफबीआई)ले जनाएको छ । मारिएका व्यक्ति वृद्ध उटाहका ७० वर्षका क्रेग रोबर्टसन थिए ।

काठ व्यवसायी समेत रहेका ति आरोपीले केही दिनपहिले मात्र सामाजिक संजालमा अहिलेको समय बाइडेन र ह्यारीको हत्याका लागि उपयुक्त भएको धम्कीपूर्ण सन्देश पोष्ट गरेका थिए । आरोपी क्रेग पूर्व राष्ट्रपति डोनाल्ड ट्रम्पको कट्टर समर्थक भएको अनुमान गरिएको छ ।